Kalb-Baladi

Sunday, July 12, 2009

مصر شديدة أوي يا أولاد

الدكنور أحمد نظيف رئيس الوزراء عمل لقاء مع مجموعة من طلبة الجامعات في معسكر أبو قير.

معسكر أبو قير ده عبارة عن مصيف رخيص لطلبة الجامعات (الذكور فقط طبعاً) بس التنظيم والمحاضرات واللقاءات كلها في إيد الحزب الوطني. يعني من الآخر عاملين المعسكر عشان يلملموا ألاضيشهم.

المهم. أحمد نظيف إداها بقين نخع في اللقاء وقعد يقول إن مصر بخير ومافيش أنفلونزا خنازير ولا طاعون.

وقال كمان أن مصر ماشية على طريق التحول لدولة متقدمة.

وطالب الشباب إنه يسرع العجل بفتح العين والجيم. وبإنه يشتغل وينتج ويبدع ويبقى عنده طموح وقدرات.

التعليقات اللي جاية على كلام نظيف في جريدة المصري اليوم تستحق القراءة. واحد اسمه أبو ريم باعت يقول:

بعد قليل اخرج معاش ومنذ تخرجى وانا اسمع نفس الحديث وتزداد الامور سوءاً


إيه يا أبو رسم مالك مستعجل كده ليه. هو خلاص الناس معندهاش صبر. إيه يا أخي هي الدنيا حتطير. طبعا الأمور حتتحسن بس مش لازم في حياتك ولا في حياة أولادك.. المهم إن الأمور حتتحسن إن شااااااااااااااااااء الله.

Labels: